Pri ni
Bonvenon al la oficialaj paĝoj de Internacia Katolika Unuiĝo Esperantista.
Nia asocio ekzistas ekde la jaro 1910.
Nia revuo, Espero Katolika, estas la plej malnova, daŭre aperanta E-revuo.
Niaj agadoj estas plurflankaj, plurvariaj, plurspecaj, sed ili estas ĉiuj manieroj por realigi ĉi tiujn celojn:
a) plenumi la ordonon de Jesuo Kristo: “Iru en la tutan mondon kaj prediku la evangelion al ĉiu kreitaĵo” (Evangelio laŭ Marko, ĉapitro 16a, versiklo 15);
b) montri la unuecon de la Eklezio uzante la internacian lingvon en ĝia liturgio kaj apostola agado;
c) kontribui al realigo de la homaj interkompreno, frateco kaj paco en la nuntempa mondo;
d) strebi “por ke ĉiuj estu unu” (Joh 17:21).
Verŝajne Vi venis viziti nin por scii pli. Estu bonvena! Ni kore akceptas Vin, kaj se Vi havas demandojn, ne hezitu kontakti nin: ikue@ikue.org
