En Ĉeĥoslovakio la katolikaj esperantistoj estis komence organizitaj en Fako de Konsilio de la Katolikoj en Prago. En la jaro 1923 estis fondita memstara Ĉeĥoslovaka Unio de Katolikaj Esperantistoj. En kelkaj urboj fondiĝis kluboj de la katolikaj esperantistoj kaj la menciita Unio estis en la jaro 1931 ŝanĝita je la Ligo de Katolikaj Esperantistoj en Ĉeĥoslovakujo. Longjara ĝia prezidanto estis helpepiskopo de Prago Mons. D-ro Antonín Eltschkner. Sekretario de la Ligo estis ekde ĝia fondo dum multaj jaroj František Buhr, kiu eldonis vicon da esperantlingvaj publikaĵoj.

Dum germana okupacio estis ĉiuj societoj kaj organizaĵoj devige likviditaj. Naziismo principe likvidis idealojn de la paco, kiel ĝin proklamadis esperantismo, kaj ĝi entrudigadis germanan lingvon kiel lingvon internacian. Inter likviditaj organizaĵoj de la esperantistoj estis ankaŭ la Ligo de Katolikaj Esperantistoj en Ĉeĥoslovakujo.

Post fino de la Dua Mondmilito, dum kiu multaj esperantistoj suferis en naziismaj koncentrejoj aŭ malliberejoj (ekz. sac. Ferdinand Pokorný, redaktoro de la gazeto Anděl strážný - Gardanĝelo kaj verkinto de porinfanaj libroj), estis la Ligo de Katolikaj Esperantistoj en Ĉeĥoslovakujo refondita. Ĝia prezidanto fariĝis sacerdoto Josef Pašek, paroĥestro ĉe s-ta Apolinario en Prago. La vicprezidanto fariĝis sac. Štefan Sninčák, paroĥestro el Slovakio.

En la jaro 1929 la Ligo de Katolikaj Esperantistoj kontribuis per siaj aktivadoj kadre de la monda katolika E-movado per aranĝo de impona 14-a Kongreso de IKUE, okazinta en ĉefurbo Praha. Duan fojon ĝi aranĝis la 18-an Kongreson de IKUE en urbo Brno en la jaro 1936.

Inter fervorajn personojn, kiuj tiutempe dediĉis sian vivon al la katolika E-movado, oni povus nomi tutan vicon da nomoj. Ni menciu nur kelkajn: Episkopo Mons. Antonín Eltschkner, sac. Josef Pašek, František Buhr, Ludmila Dandová kaj Aleš Berka.

Per ekrego de komunista sistemo en la jaro 1948 estis kune kun ĉiuj ekleziaj organizaĵoj likvidita ankaŭ la Ligo de Katolikaj Esperantistoj en Ĉeĥoslovakujo. En la periodo de stalinismo, dum kiu estis sisteme likvidita ĉio rilatanta la religion, neforgeseble enskribiĝis en historion de la katolika E-movado en tiama Ĉeĥoslovakio frato Aleš Berka, kiu post frato František Buhr transprenis funkcion de la landa reprezentanto de IKUE, por perigi membrecon en IKUE kaj abonon de ĝia revuo Espero Katolika al ĉeĥaj kaj slovakaj esperantistoj.

En la jaro 1969 dum Konstitucia Kongreso de la Ĉeĥa E-Asocio en Brno, merite de frato Aleš Berka estis fondita Katolika Sekcio de ĈEA. Li estis elektita ĝia prezidanto. La organizado de junularo kadre de la sekcio estis konfidita al frato Miloslav Šváček. Frato Aleš Berka komencis eldonadi bultenon Informilo por membroj de la katolika sekcio. La sekcio kun multnombra ĝia junulara grupo dum periodo de sia ekzisto aranĝis diversajn belajn renkontiĝojn. Tradicia iĝis ĉiujara pilgrima renkontiĝo en pilgrimloketo Hory apud Česká Třebová omaĝe al Virgulino Maria la Rozaria. La plej grava ĉiujara aranĝo de la junularo estis la Katolika E-Tendaro en Herbortice, okazinta en la jaroj 1969 ĝis 1977. Pri ĝi detale raportas la sekvaj skribaĵoj.

Post sukcesa unua komuna kongreso de IKUE (Internacia Katolika Unuiĝo Esperantista) kaj KELI (Kristana Esperantista Ligo Internacia) okazinta en Limburg/Lahn en Germanio, kiun partoprenis fratoj Aleš Berka kaj Miloslav Šváček, estis decidite aranĝi la Duan Ekumenan E- Kongreson en la jaro 1970 en Brno. Ĉiuj ĝiaj preparoj sukcese progresadis surbaze de permeso de la kongreso fare de la ministerio de kulturo ĝis la printempo de la jaro 1970, kiam ministerio de internaj aferoj ĝin oficiale malpermesis. Tio estis unua granda bato por la kristanaj esperantistoj fare de t.n. „normaliga procedo“ en Ĉeĥoslovakio, okupaciita fare de soveta armeo. La tiama fidela membro de IKUE frato Bohuslav Grim ankoraŭ antaŭ ĝia malpermeso verkis jenan esperplenan kaj kuraĝigan poemon:

Brno 1970

En la tempo de tiel nomata „normaliga procedo“ post la jaro 1969 komenciĝis denove periodo de sistema likvido de ĉio, kio rilatis la religion. Ankaŭ aktivadoj de la katolikaj esperantistoj devis malaperi. En la jaro 1977 per invado de ŝtata komunista polico (StB) estis likvidita naŭ jarojn ekzistanta Katolika E-Tendaro en Herbortice. Pro la spirita enhavo de la tendaro estis en la jaro 1979 en juĝproceso kondamnitaj ĝia gvidanto Miloslav Šváček kaj pastro Vojtěch Srna. Sekvis ankaŭ definitiva likvido de la sekcio. Diskriminacio tuŝis ankaŭ fraton Aleš Berka, kiu tamen restis plu funkcianta kiel landa reprezentanto de IKUE ĝis lia subita morto en la jaro 1983. Post li la funkcion de la landa reprezentanto oficiale transprenis frato Jan Šebela, kiu unu jaron pli poste rezignis pro ĉikanado fare de StB-anoj. En plua periodo, dum kiu la katolikaj esperantistoj en Ĉeĥoslovakio devis aktivadi nur en katakombaj kondiĉoj, la funkcion de landa reprezentanto neoficiale plenumis frato Miloslav Šváček. La revuo de IKUE Espero Katolika estis enlistigita inter malpermesitajn eksterlandajn presaĵojn, kaj ĝiaj sendaĵoj konfiskataj. Ĝia plua ricevado okazis danke al oferemaj polaj kaj hungaraj katolikaj esperantistoj. Tiu diskriminacio tiutempe fakte tuŝis nur la katolikajn esperantistojn, ne tiom la alikonfesiajn kristanojn - membrojn de KELI-sekcio. La KELI-organo Dia Regno ne estis enlistigita en indekson de la malpermesitaj eksterlandaj presaĵoj.

Falo de la komunista sistemo en la jaro 1989 ebligis al la katolikaj esperantistoj eliri el la katakombaj kondiĉoj kaj plene renovigi siajn aktivadojn. La 7-an de aprilo 1990 la plenumkomitato de ĈEA kunveninta en Praha oficiale aprobis refondon de la Katolika Sekcio de ĈEA. La fonda konferenco de la sekcio okazis la 19-an de majo 1990 en Česká Třebová, dum ĉeesto de la ĝenerala sekretario de IKUE Carlo Sarandrea el Romo.

En la novembro 1990 okazis en la urbo Třebíč la 6-a Kongreso de ĈEA, kadre de kiu okazis kunveno de la katolikaj esperantistoj. Estis tie akceptita decido, ke ekde la jaro 1991 ekaperadu la sekcia gazeto sub titolo Dio Benu. Tiam la sekcio havis 234 membrojn.

La ŝanĝo de la politika sistemo ebligis ne nur renovigi ekziston de la Ĉeĥa IKUE-Sekcio, sed ĝi donis ankaŭ eblon daŭrigi organizadon de la IKUE-tendaroj perforte likviditaj en la jaro 1977. Por memorigi la neforgeseblajn travivaĵojn okazis la 21-an de julio 1990 renkontiĝo de la ekstendaranoj sur tendarejo en Herbortice, kiun ĉeestis ankaŭ ekstendarano pastro Battista Cadei el Italio.

En februaro 1991 aperis la unua numero de la sekcia gazeto Dio Benu. Ĝi estas ĝis nun regule aperanta kvaronjara periodaĵo en paperforma kaj elektronika versioj. Ĝis nun aperis entute 128 ĝiaj numeroj.

Post refondigo de la sekcio, ĝi povis alpaŝi al disvolvo de sufiĉe vigla aktivado. Kelkaj episkopoj akceptis aŭdience reprezentantojn de la sekcio: la ĉefepiskopo Mons. Miloslav Vlk, la ĉefepiskopo Mons. Jan Graubner, la episkopo Mons. Josef Hrdlička. En la jaro 1993 la Ĉeĥa Episkopara Konferenco agnoskis la Ĉeĥan IKUE-Sekcion kiel laikan eklezian organizaĵon.

Inter multajn gravajn sekciajn aranĝojn apartenas pilgrimoj. Trifoje okazis pilgrimoj de la polaj kaj la ĉeĥaj IKUE-anoj omaĝe al beatulo Johano Sarkander. En la jaroj 1991 kaj 1992 okazis la komuna pilgrimo de polaj kaj ĉeĥaj katolikaj esperantistoj al beatulo Jan Sarkander en Olomouc.

Pluaj pilgrimaj renkontoj okazis: en pilgrimloko Hory apud Česká Třebová, en pilgrimloko Svatý Kopeček apud Olomouc kaj en la urbo Olomouc kun la sankta meso celebrita de episkopo Mons. Josef Hrdlička.

En majo de la jaro 2004 okazis en aŭstria pilgrimloko Mariazell pilgrimo de mezeŭropaj nacioj. Partoprenis ĝin ankaŭ grupo da katolikaj esperantistoj el Ĉeĥio. La sanktan meson en Esperanto celebris pastro Lajos Kóbor el Hungario.

La sekcio okazigis multajn renkontiĝojn: en la jaro 2000 en České Budějovice, en 1993, 1996 kaj 2005 en Česká Třebová kaj pilgrimloko Hory, en 1992, 1994, 1995, 2000, 2002 kaj 2007 en pilgrimloko Dub nad Moravou, kie multajn jarojn praktikadis animzorgan servon longjara IKUE-ano – la paroĥestro Cyril Vrbík, brutale murdita la 22-an de oktobro 2002 ĉe enirejo en la paroĥan domon en Dub nad Moravou. En vilaĝo Klopotovice en la jaro 1992, en 1994 en Praha-Kunratice, kie la sanktan meson en Esperanto celebris ĉefepiskopo de Prago Mons. Miloslav Vlk.

La renkontiĝoj de la IKUE-Junularo okazis: en 1996 en pilgrimloketo de V. Maria en Roko en Heřmánky, en 1998 en Pardubice kaj en 2003 en Žďár nad Sázavou. Pluaj renkontiĝoj de la sekcio okazis: en la jaro 1999 en Kroměříž, 2002 en Želiv, 2003 en Koclířov, 2006 en Přibyslav omaĝe al eminenta pioniro de E-movado pastro Jan Filip, 2008 kaj 2016 en pilgrimloko Vranov u Brna, 2009 omaĝe al 100-jara jubileo de kanonizo de la sankta Klemento Maria Hofbauer en Znojmo kaj Tasovice, 2011 kaj 2012 en Žirovnice, 1990, 2012 kaj 2019 en Herbortice, 2014 en Svatý Kopeček, 2015 en Třeboň, 2017 en Svatá Hora u Příbrami, en 2018 en Svatý Hostýn.

Okfoje okazis komunaj renkontiĝoj kun Slovakia IKUE-Sekcio en Slovakio en la urbo Žilina en 1991, 1992, 1993 dufoje, 1998 kaj 2000, en la urbo Nitra 2011 kaj en pilgrimloko Marianka 2013.

La sekcio dum sia ekzisto ricevis salutojn, bondezirojn kaj benojn de 20 kardinaloj, ĉefepiskopoj kaj episkopoj ne nur el Ĉeĥio, sed ankaŭ el Slovakio kaj Rumanio.

La sekcio aranĝis en Sebranice apud Litomyšl IKUE-tendarojn kun eksterlandaj ĉeestantoj en la jaroj 1991 ĝis 2005. Vizitis ilin kaj celebris E-mesojn tri episkopoj: sepfoje Mons. Karel Otčenášek el Hradec Králové, trifoje Mons. Josef Kajnek el Hradec Králové kaj dufoje Mons. Josef Hrdlička el Olomouc. Inter mescelebrantoj ankaŭ estis pastroj: Pavel Dokládal – prezidanto de Bohemia-Moravia Fatima Apostoleco el Koclířov, kvarfoje kanoniko Josef Čihák el Dolní Újezd – kunlaboranto ĉe kompilado de la grandaj E-vortaroj de pastroj Jan kaj Karel Filip. Pluaj mescelebrantoj en la tendaro estis: pastro – martiro Cyril Vrbík, Bohuslav Půlkrábek, Jaroslav Přibyl kaj paroĥestro el Sebranice Pavel Glogar. La multfojaj partoprenintoj kaj mescelebrintoj estis pastroj Lajos Kóbor el Hungario kaj Pavel Savio Řičica el Ĉeĥio. La tendaron partoprenis gastoj el: Hungario, Slovakio, Pollando, Germanio, Litovio, Belgio, Nederlando, Ruslando, Koreio, Japanio, Slovenio kaj Francio.

La sekcio en la jaro 1991 eldonis E-kantareton kun 51 ritmaj kantoj kun muziknotoj kaj gitaraj akordoj. En la jaro 1996 realiĝis la unua eldono de la sekcia praktika kompendio Dio Benu. En la jaro 2003 realiĝis ĝia dua eldono kompletigita je muziknotoj al ĉiuj kantoj. En la jaro 2006 la sekcio eldonis tradukon de la libro de D-ro Marcel Drlík „Ĉeĥa Kuracisto en Koro de Afriko“. En la jaro 2020 la sekcio eldonis libron de D-ro Max Kašparů „Dek paŝoj al ĝojo“.

La sekcio dum sia ekzisto organizis en Ĉeĥio tri kongresojn de IKUE: la 48-an Kongreson de IKUE 1995 en Olomouc, ankaŭ partoprenis episkopo de Rimini Mons. Giovanni Locatelli, mescelebrinta en Esperanto. Vizite venis kardinalo Miloslav Vlk, ankaŭ celebrinta esperantlingve la sanktan meson. La ĉefcelebranto de solena esperantlingva ferma sankta meso en Katedralo de Sankta Venceslao estis ĉefepiskopo de Olomouc Mons. Jan Graubner, kuncelebris la helpepiskopo Mons. Josef Hrdlička kun la ĉeestantaj pastroj.

La dua estis la 55-a Kongreso de IKUE okazinta en la jaro 2002 en la urbo Kroměříž. Partoprenis ĝin 160 esperantistoj. Dum inaŭgura sankta meso predikis en Esperanto episkopo Josef Hrdlička el Olomouc. Dum vizito de la kongresanoj de surmonta pilgrimloko Svatý Hostýn la ĉefcelebranto estis ĉefepiskopo Karel Otčenášek, patrono de la Ĉeĥa IKUE-Sekcio.

Kaj la tria estis la 59-a Kongreso de IKUE okazinta en Velehrad en julio 2006. Partoprenis ĝin esperantistoj el 10 landoj de Eŭropo kaj Kanado. La altaj protektantoj de la kongreso iĝis ĉefepiskopo Jan Graubner kaj kardinalo Miloslav Vlk. La ĉefcelebranto de la inaŭgura sankta meso estis la ĉefepiskopo Mons. Jan Graubner. La ĉefcelebranto de la ferma sankta meso estis ĉefepiskopo Mons. Karel Otčenášek.

Kaj kadre de la 81-a Universala Kongreso de Esperanto en Prago en la jaro 1996 okazis ĉiutage neoficiala esperantlingva sankta meso en preĝejo de la Virgulino Maria en urboparto Karlov kaj la 23-an de julio okazis neoficiala sankta meso por la kongresanoj, ĉar la oficialan malaprobis estraro de UEA, en la preĝejo de Praha-Vyšehrad. Partoprenis ĝin ĉirkaŭ 300 kongresanoj. Mescelebris kaj predikis en Esperanto episkopo Karel Otčenášek.

La sekcianoj aktive partoprenis eksterlandajn kongresojn de IKUE. En 1997 la jubilean 50-an kongreson en Romo kaj Rimini. La kongresanoj partoprenis la merkredan ĝeneralan aŭdiencon de la Papo sur la Placo de Sankta Petro. Aŭdience de la Papo estis akceptitaj honora prezidanto de IKUE sac. Duilio Magnani, tiama prezidanto de IKUE D-ro Antonio De Salvo kaj vicprezidanto de IKUE Miloslav Šváček. Dum aŭdienco estis al la Papo transdonitaj esperantlingvaj Meslibro kaj Legaĵaro.

Ankaŭ la 53-an IKUE-Kongreson en Rimini (Italio) en la jubilea jaro 2000 ĉeestis multnombraj sekcianoj. Kadre de ĝi okazis vizito de Romo (kun ĉeesto de ĝenerala aŭdienco de la Papo), vizito de Asizo kaj Loreto.

Post tio estis tre altnivela la 57-a Kongreso de IKUE en Kretinga en Litovio en la jaro 2004. La kongreson partoprenis entute 200 personoj el 12 landoj.

En aŭgusto 2008 ni partoprenis 61-an Kongreson de IKUE en la itala Rimini omaĝe al 80-jariĝo de la Honora Prezidanto de IKUE sac. Duilio Magnani kaj de Centjariĝo de Esperanto en Rimini.

Julie 2011 la sekcianoj partoprenis la 64-an IKUE-kongreson en Zagrebo, Kroatio. En la jaro 2012 la 65-an kongreson de IKUE en Pécs, Hungario. La 66-an kongreson la sekcianoj partoprenis en Kalwaria Zebrzydowska en Pollando. Kaj en la jaro 2016 la 69-an kongreson de IKUE en Nitra, Slovakio.

La sekcianoj partoprenis ankaŭ jenajn Ekumenajn E-Kongresojn, do komunajn de IKUE kaj KELI: La 8-an en 1992 en Velence en Hungario, la 10-an en 1994 en Gostyń, Pollando, la 14-an en 1999 en Gliwice, Pollando, la 15-an en la jaro 2001 en Zagreb, Kroatio, la 16-an en 2003 en Rimini, kie en ĝenerala kunveno de IKUE estis elektita prezidanto de IKUE Miloslav Šváček por kvarjara balotperiodo. La 17-an en 2005 en Piliscsaba en Hungario, la 18-an en 2007 en Pelplin, Pollando, kie en la ĝenerala kunveno de IKUE estis reelektita prezidanto de IKUE Miloslav Šváček por plua kvarjara balotperiodo. En la jaro 2009 la 19-an en Vroclavo, Pollando, al kies preparo kaj sukcesa okazigo kontribuis frato Miloslav Šváček. La 20-an en 2014 en Trento-Cadine, Italio, la 22-an en 2018 en Poděbrady, Ĉeĥio.

Kaj kompreneble ne mankis ĉeesto de la sekcianoj en Bibliaj Tagoj de Werl 2011 Germanio, Trento 2012 Italio kaj precipe en Tuchoměřice 2014 Ĉeĥio.

La sekcianoj partoprenis ankaŭ seminariojn, simpoziojn, konferencojn. En 1992 prelegis esperantlingve frato Ladislav Mlejnek en Otavo, Kanado, dum Konferenco pri Amo, Vivo kaj Familio. Reprezentantoj de la sekcio partoprenis en 1993 Seminarion pri la Socia Instruo de la Eklezio en Gostyń en Pollando. En la jaro 2003 Seminarion de la kristanaj esperantistoj en Strasburgo, Francio. En la jaro 2005 denove Seminarion de la kristanaj esperantistoj en Strasburgo. En la jaro 2007 Internacian Simpozion zion en la urbo Karlovo en Bulgario, kie samtempe okazis soleno de Centjariĝo de la Bulgara E-Asocio. Kaj en la jaro 2008 denove la ekumenan simpozion en la urbo Karlovo en Bulgario.

En majo 1995 estis sendita dankletero por esperantlingvaj salutoj kaj benoj dum Urbi et Orbi al la Papo Johano Paŭlo la Dua. La 2-an de decembro venis respondo de Vatikana Ŝtatsekretariejo kun benoj de la Papo.

Okaze de grava vivjubileo ‒ la 75-jariĝo ‒ la sekcio sendis oficialajn gratulojn kaj bondezirojn al Lia Eminenco Kardinalo Miloslav Vlk. En la jaro 2007 la sekcio sendis oficialan gratulon kaj bondeziron okaze de kardinaliĝo al Mons. Stanisław Ryłko el Vatikano, de kiu venis dankletero.

La 23-an de junio 2007 akceptis sacerdotan ordinon en Olomouc nia membro Jindřich Peřina. La 7-an de julio okazis lia primica solenaĵo en Dub nad Moravou, kiun ĉeestis ankaŭ kelkaj niaj sekcianoj. Kaj la 31-an de oktobro 2015 estis ordinita je grekkatolika pastro la konata kuracisto- psikiatro eĉ verkisto, la frato Prof. D-ro Max Kašparů en lia naskiĝurbo Žirovnice.

Okaze de honorigo de pastro Bernhard Eichkorn per Faderacia Meritkruco en la jaro 2008, per kiu aprezis liajn meritojn prezidento de Germanio, partoprenis oficiale la solenaĵon en lia loĝurbo Villingen tiama prezidanto de IKUE Miloslav Šváček.

Okaze de la 90-a datreveno de memstareco de la respubliko estis honorigita en oktobro 2008 per medalo de Johano Amos Komenio fare de urbestro de la urbo Přerov frato Miloslav Šváček por liaj longjaraj E-aktivadoj. Kaj la 5-an de julio 2009 fine de la tutlanda solenaĵo honore al apostoloj de Eŭropo sanktaj Cirilo kaj Metodio estis fare de Ĉeĥa Episkopara Konferenco honorigita per medalo Miloslav Šváček por longjara „konstruado de la pontoj“ inter la nacioj pere de IKUE.

Karaj gefratoj, kompreneble krom tiuj ĉi priskribitaj aranĝoj kaj aktivadoj de la Ĉeĥa IKUE-Sekcio okazis multaj pluaj agadoj ligitaj al la sekcio. Por la 32-jara fruktodona ekzistado de la sekcio antaŭ ĉio ni direktu dankegojn al Dio, al Virgulino Maria kaj ceteraj ĉielaj helpantoj kaj protektantoj. Korajn dankegojn akceptu ĉiuj, kiuj divers-maniere kunlaboris kadre de la sekcio kaj per monkontribuaĵoj subtenis ĝian 32-jaran ekzistadon. Dankon al kara frato Pavol Petrík por la kontrollegado de Dio Benu kaj al frato Jarek Chodníček por ĝia dissendado! Dian benon kaj ŝirmon de la Virgulino Maria elkore deziras al vi ĉiuj via frato Miloŝ.