Eĉ 55 jarojn post komenco de la organizado de la katolikaj E-tendaroj en la jaro 1969 en la vilaĝo Herbortice (Ĉeĥio) okazis la 19-an de oktobro 2024 plua renkontiĝo de la ekstendaranoj. Partoprenis ĝin grupo da 32 personoj - la ekstendaranoj el la Ĉeĥa Respubliko. Kelkaj kun bedaŭro anoncis maleblon partopreni pro diversaj kaŭzoj. La promesitan ĉeeston devis pro ekestinta grava tasko nuligi ankaŭ nia karega kaj ĉiam fidela ekstendarano - la episkopo de la urbo Olomouc Mons. Antonín Basler. Tamen la partopreno de la 32 ekstendaranoj post tiel longa tempo ĝojigis ne nur la organizantojn de la renkontiĝo, sed ankaŭ la partoprenantojn mem.

La alvenintaj partoprenantoj unue kolektiĝis antaŭ al la eksterndaranoj bone konata gastejo de la geedzoj Bořivoj kaj Miluše Minář, kiuj dum ĉiuj naŭ tendaroj preparis por la tendaranoj bongustajn tagmanĝojn. Tie, apud ilia gastejo ni ilin rememoris.

Poste la ekstendaranoj kolektiĝis sur la herbejo, kie ili travivis neforgeseblajn vivtravivaĵojn en la naŭ tendaroj en la jaroj 1969-1977, ol ĝi estis en la jaro 1977 likvidita fare de invado de la fifama komunista polico StB. La eksorganizanto kaj la ekstendarestro frato Miloslav Šváček memorigis al la ĉeestantoj gravajn tendarajn okazintaĵojn.

Post vizito de la iama tendarloko, la ekstendaranoj translokiĝis al la apuda vilaĝo Cotkytle, kie en la loka kulturdomo okazis bongusta kaj abunda tagmanĝo, kiun prizorgis la ĉeforganizantino de la renkontiĝo fratino Miluše Jílková, filino de la geedzoj Bořivoj kaj Miluše Minář el Herbortice. Dum tiea trihora ĉeesto de la ekstendaranoj ekzistis ebleco priparoli ne nur la tendarajn travivaĵojn, sed ĉion alian rilatantan la ĝisnunan vivon.

Kaj sekvis vizito de la loka preĝejo, kiun tre bone la tendaranoj memoras. Nur en la unua tendaro okazis oficialaj matenaj sanktaj mesoj en la tendaro, kiujn celebris la novpastro - esperantisto Ladislav Škrňa, kiun en la tendaron sendis la praga ĉefepiskopo František Tomášek. Kaj en la lasta tendaro celebris la sanktajn mesojn antaŭ la oficiala matena vekiĝo en la tendaro la pastro Józef Zielonka el Pollando. Dum ceteraj tendaroj la tendaraj volontuloj ĉiumatene piediris al la preĝejo en Cotkytle, por partopreni la sanktan meson.

Koregan dankon por belega kaj sukcesa renkontiĝo meritas precipe fratino Miluška Minářová kaj ŝiaj familianoj kaj ĉiuj, kiuj iamaniere helpis aranĝi la belan renkontiĝon de la ekstendaranoj en la 55-jara tendara datreveno.

Pri la okazinta tiu ĉi tre sukcesa renkontiĝo pli detale informos aperonta numero de la revuo Dio Benu 1/2025 (http://www.ikue.org/cz/)